پیداواری پلانٹ

فوجی سیمنٹ کمپنی لمیٹڈ (FCCL) چار سیمنٹ کے پیداواری پلانٹ اور ایک پولی پروپلین سیمنٹ بیگ بنانے والا پلانٹ چلاتی ہے۔ یہ پلانٹ جھنگ باہتر، نظام پور، واہ، ڈیرہ غازی خان اور حطار میں واقع ہیں جن سے سیمنٹ کی بلند طلب رکھنے والے مختلف علاقوں تک سیمنٹ کی ترسیل کا زبردست موقع فراہم ہوتا ہے۔ فوجی سیمنٹ پاکستان کے تمام بڑے ہائیڈرو پاور منصوبوں کو سب سے زیادہ سیمنٹ فراہم کرنے والا ادارہ ہے، جو اس ادارے کی معیاری مصنوعات اور مخصوص ضروریات پوری کرنے کی صلاحیت کا مظہر ہے۔ فوجی سیمنٹ کے پلانٹ جدید ترین پیداواری آلات اور ماحولیاتی تحفظ کی جدید ٹیکنالوجی سے آراستہ ہیں جس سے فوجی سیمنٹ کے پائیدار ترقی اور ماحولیاتی ذمہ داری کے مقاصد کا حصول ممکن ہوتا ہے۔

پائیدار  پیداوار

معیار میں تسلسل ہماری سخت کوالٹی کنٹرول پالیسی اور متعدد اقدامات کی بنیاد ہے، جن کا مقصد پائیدار پیداوار کو یقینی بنانا ہے۔ ہماری سیمنٹ کی پیداوار میں مختلف اقسام شامل ہیں، جو مخصوص انفراسٹرکچر کی ضروریات کو پورا کرتی ہیں۔ ماحول دوست تعمیرات کے لیے ماحول دوست تعمیراتی سامان ضروری ہے، لہٰذا ہم جدت لا کر ایسی مصنوعات تیار کرنے کی کوشش کرتے ہیں جو ماحول کے لیے محفوظ ہوں اور روایتی ایندھن پر کم انحصار کریں۔

فوجی سیمنٹ کمپنی لمیٹڈ (FCCL) نے جھنگ باہتر، نظام پور، واہ اور ڈیرہ غازی خان میں 68 میگا واٹ کے شمسی توانائی کے پارک اور 65 میگا واٹ کے زائد حرارت کو استعمال کر کے بجلی بنانے والے پلانٹ نصب کیے ہیں تاکہ ماحول دوست توانائی پیدا کر کے استعمال کی جائے۔ FCCL اپنی بجلی کی پیداوار میں بہتری لائی ہے، جس میں 50فیصد حصہ قابلِ تجدید ذرائع پر مبنی ہے۔ اس سے نہ صرف خریدنے والی بجلی میں کمی ہوئی بلکہ شمسی توانائی کے پارک اور زائد حرارت کو استعمال کر کے بجلی بنانے سے کمپنی کی اپنی بجلی پیدا کرنے کی صلاحیت میں اضافہ ہوا ہے۔ FCCL پیداوار ی معیار کی بہتری کے تمام مراحل میں کاربن ڈائی آکسائیڈ کے اخراج کو کم سے کم کرنے کے لیے مؤثر اقدامات کر رہا ہے۔