بریگیڈیئر صلاح الدین ایوبی (ریٹائرڈ) نے اکتوبر 2024 میں ایف سی سی ایل میں بطور ڈائریکٹر مارکیٹنگ و سیلز شمولیت اختیار کی۔ آپ نے 1991 میں پاکستان آرمی میں کمیشن حاصل کیا اور 5 پنجاب رجمنٹ (شیر دلز) میں شمولیت اختیار کی۔ اپنے 35 سالہ عسکری کیریئر کے دوران آپ نے مختلف اہم کمان، اسٹاف، آپریشنل اور تدریسی ذمہ داریاں نبھائیں، جن میں اقوام متحدہ کے ملٹری آبزرور، سنٹرل افریقی جمہوریہ میں بین الاقوامی امن مشن کے سیکٹر کمانڈر، آئی ایس پی آر میں ڈائریکٹر پروڈکشن، پلاننگ و کوآرڈینیشن، چیف آف اسٹاف، اور اے ایس ایف پاکستان کے ڈپٹی ڈائریکٹر جنرل شامل ہیں۔

آپ اسٹریٹجک کمیونیکیشن میں مہارت رکھتے ہیں اور مختلف مواقع پر پاکستان کی نمائندگی بطور سربراہ یا رکن وفد کے طور پر بین الاقوامی سطح پر کی ہے۔ آپ نے نیشنل ڈیفنس یونیورسٹی، اسلام آباد سے نیشنل سیکیورٹی وار کورس میں ماسٹرز ڈگری حاصل کی ہے۔

آپ کو اسٹریٹجک قیادت، عوامی و میڈیا تعلقات، ایوی ایشن سیکیورٹی، انتظامی امور، اور ہیومن ریسورس مینجمنٹ میں وسیع قومی و بین الاقوامی تجربہ حاصل ہے۔ آپ نے امریکہ، بحرین، ترکی، لمز اور آئی بی اے سے مختلف کورسز اور سرٹیفیکیشنز بھی حاصل کی ہیں۔

کارپوریٹ سیکٹر میں، آپ اے ایس ایف کے ہاؤسنگ اور ریئل اسٹیٹ انٹرپرینیورشپ میں ڈپٹی منیجنگ ڈائریکٹر رہے اور اے ایس ایف فاؤنڈیشن، پاکستان ٹیلی ویژن اور فلم سینسر بورڈ کے بورڈ آف ڈائریکٹرز کے رکن بھی رہے۔ اپنے وسیع کارپوریٹ تجربے کے ساتھ، آپ ایف سی سی ایل کے لیے نہایت موزوں اور باصلاحیت قیادت فراہم کر رہے ہیں۔