لیفٹیننٹ جنرل (ریٹائرڈ) انور علی حیدر نے تقریباً چار دہائیوں پر محیط پاک فوج کی شاندار خدمات انجام دی ہیں۔ اُنہیں منصوبہ بندی، تنظیم سازی اور انتظامی امور میں غیر معمولی مہارت حاصل ہے۔ انہوں نے اپنے عسکری کیریئر کے دوران متعدد اہم کمانڈ، اسٹاف اور تدریسی عہدوں پر کام کیا، اور بطور ایڈجوٹنٹ جنرل پاکستان آرمی، چیف آف آرمی اسٹاف کے پرنسپل اسٹاف آفیسر کی حیثیت سے ذمہ داریاں نبھائیں۔

اس حیثیت میں انہوں نے نہ صرف رفاہی منصوبہ جات اور بڑے تجارتی منصوبوں کی قیادت کی، بلکہ فوجی فاؤنڈیشن کمپنیوں کی ترقی اور توسیع کی منصوبہ بندی میں بھی کلیدی کردار ادا کیا۔ وہ آرمی ویلفیئر ٹرسٹ کے چیئرمین کے طور پر بھی خدمات انجام دے چکے ہیں۔

آپ نے ڈیفنس ہاؤسنگ اتھارٹیز (DHAs) کی منصوبہ بندی اور ترقی میں اہم کردار ادا کیا، اور عسکری ہاؤسنگ کالونیوں جیسے میگا رہائشی منصوبوں کی نگرانی کی۔

تعلیمی میدان میں بھی آپ کی خدمات نمایاں رہیں، جہاں آپ نے نیشنل ڈیفنس یونیورسٹی کے صدر اور NUST، NUMS اور NUTECH کے بورڈ آف گورنرز کے رکن کی حیثیت سے اپنا کردار ادا کیا۔

عسکری خدمات کے بعد آپ نے سول قیادت کے میدان میں بھی اپنی مہارت کا بھرپور مظاہرہ کیا۔ آپ نیا پاکستان ہاؤسنگ اینڈ ڈویلپمنٹ اتھارٹی (NAPHDA) کے چیئرمین رہے، اور عبوری وفاقی کابینہ میں بطور نگران وزیر برائے دفاع اور دفاعی پیداوار اپنی خدمات انجام دیں۔ علاوہ ازیں، آپ اسپیشل انویسٹمنٹ فسیلیٹیشن کونسل (SIFC) کی اپیکس کمیٹی کے رکن بھی رہے، جہاں آپ نے ملکی معیشت کی بہتری کے لیے سرکاری و نجی شعبے اور بین الاقوامی اداروں سے قریبی روابط قائم کیے۔

آپ نے امریکہ کی یو ایس آرمی وار کالج، کارلائل، پنسلوانیا سے اسٹریٹیجک اسٹڈیز میں ماسٹرز کیا ہے، جبکہ نیشنل ڈیفنس یونیورسٹی، اسلام آباد سے وار اسٹڈیز میں ایم ایس سی کی ڈگری بھی حاصل کی۔ ان کی لازوال خدمات کے اعتراف میں حکومت پاکستان نے انہیں چیف آف آرمی اسٹاف کمنڈیشن کارڈ اور ہلالِ امتیاز (ملٹری) سے نوازا۔